ВИЗИ

назад до:"ВИЗИ"

ВИЗЕН РЕЖИМ

ВИЗЕН РЕЖИМ НА РЕПУБЛИКА МАКЕДОНИЈА СО ДРУГИ ДРЖАВИ, СПЕЦИЈАЛНИ АДМИНИСТРАТИВНИ РЕГИОНИ И СУБЈЕКТИ И ТЕРИТОРИЈАЛНИ ВЛАСТИ НЕПРИЗНАТИ КАКО ДРЖАВИ

А Држава, субјекти и административни региони
Б Виза за влез во Република Македонија
В Должина на престој во РМ без виза
Г Виза за влез во странската држава
Д Странски ДКП надлежни за издавање визи на државјани на РМ
Ѓ ДКП на Република Македонија акредитирано за странската држава

                ВАЖНО:

• Согласно Одлуката на Владата на Република Македонија (Сл. весник број 123 од 02.10.2008) државјаните на земјите членки на Европската унија и потписнички на Шенген договорот можат да влегуваат во Република Македонија и со важечка лична карта издадена од надлежните органи на таа земја;
• Секој странски државјанин, носител на валидна патна исправа на трета земја, кој поседува единствена повеќекратна виза Ц, важечка за сите земји потписнички на Шенгенскиот договор, може да влезе во Република Македонија без виза, со престој до 15 дена. Шенген визата треба да е важечка најмалку 5 дена повеќе од дозволениот престој.
• Секој странски државјанин, носител на валидна патна исправа на трета земја, а има регулирано постојан престој во земја членка на Европската Унија или потписничка на Шенгенскиот договор, може да влезе во Република Македонија без виза, со престој до 15 дена.
• Со виза престојот се регулира согласно издадената виза но не повеќе од 90 дена;

Без виза престојот е 90 дена со исклучок на Турција и Црна Гора во кои е 60 дена;

• За носители на патни исправи на ООН не е потребна виза;
• За сите држави, визите се издаваат единствено во Дипломатско конзуларно представништво на Република Македонија во странство.

-1*Со почеток од 01.07.2012 година, македонските државјани кои патуваат во Австралија врз основ на одобрена виза, немаат обврска за поседување на виза стикер во патната исправа.
Појаснување: Владата на Австралија издава електронски визи. Сите податоци се чуваат во централна база на податоци во Австралија. При пријавување на патникот (check-in) за лет до Австралија,  пред да се дозволи влез во авионот,  авиокомпанијата  електронски проверува дали патникот поседува валидна виза за влез во Австралија. При добивањето на австралиска виза се издава потврда за добиена виза во која се наведени условите, вклучително периодот на важноста и условите за влез. Се советува патникот да ја носи наведената потврда со себе.

- 2* Виза не е потребна за носители на дипломатски и службени патни исправи двострано;

- 2а* Виза не е потребна за носители на дипломатски патни исправи двострано;

- 3* За државјани на Република Македонија и Белорусија ќе се применува спогодбата(од 3.10.1989) склучена меѓу Владата на поранешна СФРЈ и СССР за взаемни патувања на граѓаните, кои според истатавиза не е потребна:

• за дипломатски и службени патни исправи и за граѓанските патни исправи клаузула деловно
• за туристички и групни патувања во организација на туристички агенции и поединечно со ваучер
• созаверка на поканаако се оди во посета на роднини или пријатели или созаверена телеграма во итни случаи (болест, свеченост и сл.);
• за посета на гроб на роднина што се докажува со потврда од Црвен Крст;
• за патување заради здравствени прегледи или консултации, се приложува упат или покана од здравствена организација;

- Еднострано, оваа спогодба се применува и за државјани на Грузија,

4*  Двострано, виза на е потребна за носители на дипломатски и службени патни исправи и граѓански патни исправи со клаузула деловно како и за кинеска патна исправа за службени потреби -passport for public affairs;

5*

6*  Виза се издава на аеродром, со предходно обезбедување на повратна авиокарта, хотелска резервација и доказ на поседување на финанскиски средства;

 7* Ирска визите за македонски државјани ги издава бесплатно.

8* За туристички престој на државјани на Република Македонија, не е потребна виза со престој до:
(Кенија и Аргентина до 90 дена, Сингапур до 14 дена),

 9* На државјаните на Република Македонија не им е потребна виза за влез и престој во Брунеи за период до 30 дена.

10* За државјаните на Република Македонија визата може да биде издадена на граничен премин;

11* Виза е потребна за носители на македонски дипломатски и службени патни исправи;

12* Двострано, такса не се наплатува за одобрување на привремен и постојан престој;

13* За државјани на Република Македонија и на Руската Федерација се применува Спогодбата склучена меѓу Владата на Република Македонија и Владата на Руската Федерација за услови на заемни патувања на државјаните на двете земји (Сл. весник број 119 од 19.09.2008 година):виза не е потребна

• Двострано за носители на дипломатски и службени патни исправи
• Двострано, носители на граѓански патни исправи кои имаат одобрение за привремен или постојан престој на територијата на другата држава
• Двострано, носители на граѓански патни исправи кои патуваат заради остварување на деловни контакти, размена во научно-техничка, образовна, културна, спортска област и новинарска дејност, краткорочен студиски престој, лекување, како и посета на роднини или познати (до 90 дена, врз основа на покана од физички или правни лица оформена согласно законодаството на секоја држава
• Туристички патувања (престој до 30 дена, врз основ на оригинален договор за давање туристичка услуга (ваучер) и потврда за прифаќање на странските туристи од организаторот која врши туристичка дејност на територијата на другата држава.

14* Виза не е потребна за влез во Мексико ако се поседува важечка виза за САД.

15* За државјани на Република Македонија и на Украина се применува Спогодбата склучена меѓу   Владата на Република Македонија и Кабинетот на Министрите на Украина за услови на заемни патувања на државјаните на двете земји (Сл. весник број 77 од 08.06.2010г.):виза не е потребна:
- Двострано за носители на дипломатски и службени патни исправи
- Двострано, носители на граѓански патни исправи кои имаат одобрение за привремен или постојан престој на територијата на другата држава
- Двострано, носители на граѓански патни исправи кои патуваат заради остварување на деловни контакти, размена во научно-техничка, образовна, културна, спортска област и новинарска дејност, краткорочен студиски престој, лекување, како и посета на роднини или познати (до 90 дена, врз основа на покана од физички или правни лица оформена согласно законодаството на секоја држава
- Туристички патувања (престој до 30 дена, врз основ на оригинален договор за давање туристичка услуга (ваучер) и потврда за прифаќање на странските туристи од организаторот која врши туристичка дејност на територијата на другата држава.

16* Македонските државјани може да аплицираат за виза за привремена работа во САД во период од една година, со можност за продолжување на истата до три години. Условите за добивање на виза по основ на привремена работа во САД, македонските државјани може да ги најдат на http://www.uscis.gov/portal/site/uscis.

17* Секој странски државјанин, носител на валидна патна исправа на трета земја, кој поседува единствена повеќекратна виза Ц, важечка за сите земји потписнички на Шенгенскиот договор, може да влезе во Република Македонија без виза, со престој до 15 дена. Шенген визата треба да е важечка најмалку 5 дена повеќе од дозволениот престој.

18* Двострано, државјаните на двете земји можат да влегуваат и со важечка биометриска лична карта.

19* Согласно Одлука на Владата на Република Македонија, на државјаните на Руската Федерација, Украина, Азербејџан и Казакстан не им е потребна виза за влез во Република Македонија. Одлуката се однесува за периодот од 15 март 2012 до 15 март 2013 година. Должината на престој не смее да надмине 90 дена во рамките од 6 (шест) месеци.

20* Согласно Одлука на Владата на Република Македонија, на државјаните на Тајван не им е потребна виза за влез во Република Македонија. Одлуката се однесува за периодот од 1 април 2012 до 31 март 2013 година. Должината на престој не смее да надмине 90 дена во рамките од 6 (шест) месеци.

21* Согласно донесената одлука на Претседателот на Украина за времено укинување на визи за краткорочен престој за граѓаните на РМ, за периодот од 15 август 2012 до 15 март 2013 година, на државјаните на  Република Македонија не им е потребна виза за влез во Украина.

назад до:"ВИЗИ"