Почетна

назад до:"Почетна"

БЕРАТ – ЕЛБАСАН – СПИЛЕ – СКАДАР – КАВАЈЕ – ДРАЧ – ТИРАНА 10.10. - 12.10.2020


1 ден (сабота – 10.10.2020): БИТОЛА – ЕЛБАСАН – БЕРАТ – СПИЛЕ

Состанок на групата на паркингот пред спортската сала во Битола во 04:30 часот. Поаѓање за Албанија во 05:00 часот. Патот води преку Охрид, Струга, г.п. Ќафасан. Пристигнување во Елбасан во утринските часови. Римски императори, султани, фашисти и комунисти, сите имаат дадено свој придонес во изградбата на овој антички град низ вековите. Како таква, тврдината на Елбасан и новиот град под неа се комбинација од различни и можеби неспоиви стилови и влијанија, кои на градот му даваат еден уникатен изглед. Слободно време за прошетка низ градот, посета на тврдината, црквата Успение на Пресвета Богордица, џамијата, поранешниот женски амам, саат кулата, прошетка низ чаршијата, кафе. Патувањето продолжува кон Берат. Пристигнување во Берат после пладне. Сепцифичната традиционална архитектура на овој таканаречен град на 1000 прозорци е она што го става Берат на листата на УНЕСКО. Тоа е град кој постои од 4 век кога била издигната тврдината. За разлика од многу тврдини на Балканот, интересното за оваа е што е сеуште населена. Изграден на два спротивни рида поделени од река, бројните прозорци од едната страна на реката се како огледало на оние од другата страна на реката, навидум исти, а сите со посебни обележја, што дава хипнотизирачки ефекет на туристите. Берат е гордост на албанската архитектура, ризница на албанската историја и доказ за хармонијата помеѓу верата и културата низ вековите. Тука имаме слободно време за разглед на градот, можност за посета на тврдината, иконографскиот музеј Онуфри, црквата св. Тројца или дегустација на локални специјалитети во традиционалните ресторани. Во вечерните часови поаѓање за Спиле. Сместување во студија. Ноќевање.

 

2 ден (недела – 11.10.2020): СКАДАР – КАВАЈЕ  

Ден предвиден за целодневна факултативна посета на Скадар и Каваје. Скадар е град со богата култура и голем придонес во културното наследство на Албанија, како место каде твореле најважните албански поети, сликари, фотографи. Град на митови и легенди, во основите на скадарската тврдина се наоѓа телото на Розафа, убава млада мајка која се жртвувала себе за тврдината. Оваа убавина има бројни огледала во водените површини кои изобилуваат околу градот, Скадарско Езеро, реката Буна.

Покрај богатата културна понуда, бројни музеи, градот нуди убаво уредени шеталишта, многу кафулиња и ресторани, убава природа... се што ви е потребно е за еден убав ден и создавање нови спомени. После пладне состанок на групата и поаѓање кон Каваје. Слободно време за прошетка низ градот, можност за вечера во некој од рестораните каде може да се најде мешавина од грчки, италијански и турски вкус и морска храна. Во вечерните часови враќање во Спиле. Ноќевање.

 

3 ден (понеделник – 12.10.2020): ДРАЧ – ТИРАНА

Напуштање на собите и поаѓање за Драч. Пристигнување во Драч во претпладневните часови, градот познат по пријатна медитеранска клима и историска архитектура. Еден од најважните историски објекти, амфитеатарот, изграден во најдобрите денови на римската империја, некогаш собирал 20.000 лица публика, но низа земјотреси оставиле само рушевини од него. Рај за љубителите на археологијата, градот нуди и убави места за релаксација и добра храна. Разглед на градот: амфитеатарот, старата тврдина, центарот на градот. Слободно време за индивидуални прошетки. Продолжување на патувањето кон Тирана. Пристигнување после пладне. Посета на центарот на градот и плоштадот Скендербег кој зафаќа површина од над 40.000 квадратни метри. Тука се наоѓа Националниот историски музеј, масивниот споменик на Скендербег, Националната опера, Националната библиотека, Градското собрание, Саат кулата... Во близина на Плоштадот се наоѓа и една од најпознатите пешачки улици, улицата Мурат Топтани. Слободно време за прошетка и разглед на центарот на Тирана, посета на локални кафулиња или шопинг зони во центарот на граодот. Во договореното време, состанок на групата и упатување кон најголемиот трговски центар во Албанија – ТЕГ. Совршено место за релаксација, шопинг, убава храна и уживање. Во доцните попладневните часови поаѓање за Македонија. Враќање во Битола во вечерните часови.


Цена на аранжманот: 3.140,00 денари 

 

Цената на аранжманот вклучува: 

  • Автобуски превоз на горенаведената релација,
  • 2 ноќевање во студија во Спиле
  • Посета на Елбасан, Берат, Драч, Тирана и ТЕГ
  • организација, водство и реализација на аранжманот

 

Цената на аранжманот не вклучува:

  • Целодневен излет во Скадар – 15€
  • Патничко осигурување

 

Напомена:

За реализација на овој аранжман, потребен е минимум од 30 патници, во спротивно, крајниот рок за известување околу евентуален отказ на аранжманот е најкасно 5 дена пред датумот на поаѓање. Патувањето се одвива во согласност со сите протколи за превенција од Covid-19 во меѓународниот превоз. Организаторот на патувањето го задржува правото за измена на редоследот на поедини содржини во програмата.


назад до:"Почетна"

Новости

12.05.2017

НАЈУБАВИ ПЛАЖИ НА СИТОНИЈА


Топ 10 најубави плажи на Ситонија, вториот крак на Халкидики, кои ќе ви станат едни од омилените.

повеќе

05.11.2016

КАКО ПАТУВАЊАТА НЕ ПРАВАТ ПОДОБРИ ЛИЧНОСТИ ?


Патувањата секој ги доживува на различен начин, но со сигурност на сите ни влијаат и повеќе од одлично.

повеќе

12.05.2016

10 дена на море прават чудо за вашето тело и душа


Што точно ви носи летувањето на море?

повеќе